Міліцыя заклікае загадзя прыходзіць на матч зборных Беларусі і Грузіі
16 кастрычніка а 19-й гадзіне на сталічным стадыёне "Дынама" адбудзецца адборачны матч чэмпіянату свету па футболе.
Міліцыянты абяцаюць ажыццяўляць пропуск заўзятараў на трыбуны стадыёна максімальна хутка. Ён пачнецца за дзве гадзіны да пачатку гульні.
У мэтах арганізацыі дарожнай бяспекі падчас і пасля матча магчыма часовае абмежаванне руху транспарту па вуліцах Ульянаўскай, Свярдлова, Кірава. Будзе забаронена спыненне і стаянка транспартных сродкаў на названых вуліцах у раёне стадыёна "Дынама".
