На заводзе газетнай паперы ў Шклове зноў шукалі дакументы
18 снежня на прадпрыемстве былі супрацоўнікі ўпраўлення па раскрыцці цяжкіх эканамічных злачынстваў магілёўскай міліцыі.
У кабінетах кіраўніцтва завода прайшлі агляды і канфіскацыя дакументаў. Як паведамілі БелаПАН ва ўпраўленні Следчага камітэта па Магілёўскай вобласці, праваахоўныя органы правяраюць інфармацыю, што паступіла аб меркаваных незаконных дзеяннях кіраўніцтва прадпрыемства. Агляды і канфіскацыя пачаліся яшчэ 17 снежня.
Пакуль ніякай крымінальнай справы не распачыналі.
Фота — nv-online.info
