Міністэрства эканомікі прагназуе гадавую інфляцыю, большую за 100%
Паводле спецыялістаў, прадугледжаныя тры сцэнары развіцця сітуацыі. Усе яны прагназуюць інфляцыю, якую вымяраюць трохзначнымі лічбамі.
Паводле прагнозаў, высокая інфляцыя прывядзе да падаражэння імпарту, росту выдаткаў на сацыяльныя патрэбы, росту платы за жыллёва-камунальныя паслугі, паведамляюць інфармагенцтвы. Мінэканомікі таксама збіраецца рабіць захады па выраўноўванні цэнаў на тавары і прадукты, якія актыўна вывозяць у Расію. Нагадаем, што паводле афіцыйных дадзеных інфляцыя ў Беларусі за студзень-чэрвень гэтага году ўжо склала 41%.
