Міністр эканомікі прызнаў мінусы Адзінай эканамічнай прасторы
Міністр эканомікі Мікалай Снапкоў прызнаў, што Адзіная эканамічная прастора мае для Беларусі не толькі плюсы, але і мінусы.
Такую заяву ён зрабіў сёння ў Маскве на спецыяльнай навукова-практычнай канферэнцыі. Яна называлася "Праблемы і перспектывы развіцця беларускай эканомікі ў рамках Адзінай эканамічнай прасторы з Расіяй і Казахстанам", перадае БЕЛТА.
Асноўнымі плюсамі Снапкоў назваў выгадныя для краіны ўмовы паставак энергарэсурсаў, доступ да больш таннай сыравіны і пашырэнне рынкаў збыту тавараў.
Мінусамі чыноўнік лічыць высокі рост канкурэнцыі пасля адкрыцця межаў, асабліва для вытворцаў спажывецкіх тавараў. На яго думку, беларускія прадпрыемствы рызыкуюць страціць рынкавыя пазіцыі і пагоршыць сваё фінансавае становішча.
Нагадаем, што Адзіная эканамічная прастора створаная на аснове Мытнага саюза Беларусі, Казахстана і Расіі.
Фота — kaliningradtoday.ru
