Міністр сувязі: міжсеткавыя тэлефанаванні ў Беларусі павінны патаннець
Міністэрства сувязі плануе вырашыць пытанне зніжэння тарыфаў на рынку сотавай сувязі Беларусі на злучэнне паміж рознымі аператарамі.
Пра гэта паведаміў міністр сувязі і інфарматызацыі Мікалай Панцялей.
Тэлефанаванне паміж сеткамі заўсёды даражэй, чым унутры сеткі, паколькі выкарыстоўваюцца рэсурсы трох аператараў, уключна з "Белтэлекамам". "Мы разумеем, што гэты бар'ер трэба зніжаць", — цытуе словы Панцялея БЕЛТА.
