Міністра юстыцыі Чэхіі звольнілі за тое, што прасіў шмат грошай
Прэм'ер-міністр краіны Пётр Нечас сам адправіў у адстаўку прагнага Іржы Паспішыла.
Як паведамляе мясцовае інфармагенцтва CTK, афіцыйнай прычынай такога рашэння сталі празмерныя фінансавыя запыты міністра для свайго ведамства.
Перад звальненнем Паспішыл звярнуўся да Нечаса з патрабаваннем павялічыць бюджэт міністэрства юстыцыі на некалькі сот мільёнаў крон. Па звестках Reuters, размова ішла аб мільярдзе. Заява міністра супала па часе з кампаніяй па скарачэнні дзяржвыдаткаў.
