МУС: Пасля тэракту ў Беларусі канфіскавана больш за 150 выбуховых прылад
Такія першыя вынікі спецыяльнага комплексу аператыўных мерапрыемстваў "Арсенал".
Як нагадаў сёння журналістам міністр унутраных справаў Анатоль Куляшоў, пасля выбуху 11 красавіка праводзіцца адмысловы комплекс аператыўных мерапрыемстваў "Арсенал". У выніку канфіскаваныя 174 адзінкі незарэгістраванай зброі, больш за 90 тыс. боепрыпасаў, 10 кг выбуховых рэчываў, больш за 150 выбуховых прылад. Грамадзяне добраахвотна здалі 314 адзінкі незарэгістраванай зброі, 212 зарэгістраванай і больш за 100 тыс. боепрыпасаў.
Як паведаміў міністр, па розных фактах распачатыя дзясяткі крымінальных справаў, перадае БЕЛТА.
