МЗС Расіі: Брэўс і Гапонаў не разумеюць, за што іх судзяць
Расія спадзяецца на справядлівае рашэнне па справе расіян Арцёма Брэўса і Івана Гапонава, якіх вінавацяць ва ўдзеле ў "масавых беспарадках".
Пра гэта сёння паведаміў афіцыйны прадстаўнік МЗС Расіі Аляксандр Лукашэвіч, перадае РІА Навіны.
Нагадаем, суд Маскоўскага раёна Мінска 22 лютага пачаў судовы працэс у дачыненні грамадзян Расіі Брэўса і Гапонава. Аднак у сувязі з неабходнасцю перакваліфікацыі абвінавачвання па хадайніцтве пракурора быў абвешчаны перапынак да 1 сакавіка.
"Нельга не бачыць, што матываваныя абвінавачванні супраць нашых грамадзян так дагэтуль і не высунутыя, па крайняй меры, адвакаты і самі Арцём Брэўс і Іван Гапонаў дагэтуль не разумеюць, за што іх судзяць. У гэтай сувязі мы вельмі спадзяемся, што беларускія судовыя органы змогуць непрадузята падысці да разгляду гэтай справы і вынесці справядлівае рашэнне", - сказаў Лукашэвіч.
