На беларуска-літоўскай мяжы стварылася чарга з 200 грузавікоў
Каля 200 фураў чакаюць магчымасці прыехаць з Літвы ў Беларусь, каля 120 — з Беларусі ў Літву.
Як паведамляе партал DELFI, прычына ў тым, што ў Беларусі з 16 чэрвеня ўступае ў сілу папярэдняе дэклараванне. Таму перавозчыкі стараюцца паспець зрабіць усё да гэтай даты.
З сярэдзіны чэрвеня дэкларацыю мытні прыйдзецца падаваць за дзве гадзіны да прыезду грузавіка.
Дарэчы, чэргі ўтварыліся і на іншых пунктах памежнага кантролю паміж Літвой і Беларуссю - у Лаварышкесе і Шальчынінкаі стаяць прыкладна па 60 грузавікоў, якія накіроўваюцца ў Беларусь.
Фота — DELFI
