На галоўнай плошчы Жлобіна ў сметніцы знайшлі гранату
Раніцай 5 траўня ў цэнтры Жлобіна, на плошчы Вызваліцеляў, выяўленая граната. Плошчу ачапіла міліцыя, з бабруйскай вайсковай часці выкліканая група мінёраў.
Як паведамляе БелаПАН, гранату знайшоў у смеццевым кантэйнеры дворнік. У міліцыі мяркуюць, што граната можа быць навучальнай.
Паводле асноўнай версіі, гранату выкінуў хтосьці, хто яе незаконна захоўваў. Апошнім часам у сметніцах часта знаходзяць патроны ды іншыя боепрыпасы. Пасля выбуху ў Мінску ідзе аперацыя "Арсенал" па выяўленні ў насельніцтва зброі і боепрыпасаў.
