НАТО можа мінімізаваць супрацоўніцтва з Беларуссю

З 1 студзеня 2011 года пасольства Францыі ў Беларусі выконвае ў краіне функцыі прадстаўніцтва НАТО.

Паводле слоў Рэнеры, не сакрэт, што цяпер адносіны Беларусі з большасцю дзяржаў — членаў альянсу, членамі Еўрасаюза, ЗША і Канадай "складаныя і не дапамагаюць развіваць супрацоўніцтва". Пры гэтым дыпламат канстатаваў, што яно і так знаходзіцца на мінімальным узроўні, адносіны практычна замарожаныя. І ў Бруселі стаіць пытанне, працягваць іх ці не, сказаў пасол. Гэта тэма, мяркуючы па яго інфармацыі, ужо абмяркоўвалася ў лютым.

Як заявіў французскі дыпламат, Еўропа не можа супрацоўнічаць з Беларуссю, робячы выгляд, што падзей 19 снежня не існавала. Таму адносіны НАТО з рэспублікай будуюцца на новых умовах. Акрамя таго, пасольству Літвы, якое з'яўлялася да 1 студзеня 2011 года кантактным пасольствам НАТО ў Мінску, было прасцей арганізоўваць розныя мерапрыемствы з прычыны геаграфічнай блізкасці дзвюх дзяржаў, адзначыў Рэнеры.

Ён паведаміў, што, нягледзячы на існыя праблемы ў адносінах, у студзені 2011 года Беларусь наведала дэлегацыя НАТО, якая абмяркоўвала перспектывы супрацоўніцтва з Мінскам. Наступны раўнд кансультацый чакаецца ў маі, калі чыноўнікі альянсу зноў прыбудуць у Беларусь, паведамляе БелаПАН.