Навучанне ў брэсцкім "палітэху" падаражэе амаль на чвэрць
Платнікам за наступны навучальны год прыйдзецца заплаціць больш за 10 мільёнаў рублёў.
Як паведамляе "Брестская газета", прагноз кошту навучання з'явіўся на сайце БрДТУ. Паводле яго, для студэнтаў 1 курса тэхнічных спецыяльнасцяў прыкладны кошт складзе ў сярэднім 10 мільёнаў рублёў. На эканамічных спецыяльнасцях — яшчэ вышэй. Кошт навучання для першакурснікаў-завочнікаў плануецца ў раёне 5 мільёнаў.
"Канчатковая цана навучання будзе вызначана пасля ўзгаднення з Міністэрствам адукацыі РБ”, — гаворыцца ў паведамленні.
Нагадаем, што ў лютым кошт навучання ва ўстанове ўжо быў павышаны на 29%. На адной з самых дарагіх спецыяльнасцяў “Тэхнічная эксплуатацыя аўтамабіляў” ён складаў звыш 8 мільёнаў рублёў.
