Навучэнцы каледжа кралі свінняў, каб зарабіць на мабільнікі
Здарэнне адбылося ў Слуцкім раёне.
Як паведамляе БелаПАН, на трох навучэнцаў Капыльскага сельскагаспадарчага ліцэя міліцыя пачала крымінальную справу. Міліцыя падазрае, што падлеткі забраліся на свінагадоўчую таварную ферму каля вёскі Леніна і скралі шэсць свінняў. Кошт скрадзенага ацэньваецца амаль у 6 мільёнаў рублёў.
Скрадзеных свінняў міліцыя вярнула. Падлеткі кажуць, што хацелі прадаць свінняў, а на атрыманыя грошы купіць сабе мабільнікі.
