Па факце гібелі расійскага акцёра Андрэя Паніна завялі крымінальную справу
Вядомы акцёр быў знойдзены мёртвым у сваёй кватэры ў Маскве 7 сакавіка.
Крымінальную справу распачалі паводле артыкула аб “наўмысным нанясенні цяжкай шкоды здароўю, якое пацягнула па неасцярожнасці смерць пацярпелага”, паведамляе ВВС.
Следчыя не бачаць у карціне здарэння крымінальнага характару смерці, але для паўнамаштабнага расследавання хочуць правесці судовыя экспертызы.
Тым часам, у расійскай прэсе прайшла інфармацыя са спасылкай на крыніцы ў медыцынскіх колах, што Андрэй Панін усё ж быў забіты, бо траўмы такога кшталту немагчыма атрымаць пры падзенні.
