Падазраваны ў тэракце рыхтаваў выбухі ў цягніку, на прыпынку і ў аўтобусе
Пра гэта Аляксандр Лукашэнка заявіў сёння ў Нароўлі, адказваючы на пытанні журналістаў, перадае БЕЛТА.
"Гэты чалавек асвоіў гэтае рамяство, бачачы ўсё па тэлебачанні і вывучаючы ў Інтэрнэце, — гэта з ягоных сведчанняў. Думаю, што сёння можна пра гэта сказаць. Калі б мы не спынілі зараз гэты тэрарыстычны акт, былі б выбухі ў цягніку (гэта ён бачыў "Неўскі экспрэс" у Расіі), на прыпынку (ужо былі падрыхтаваныя і ён паказаў гэтыя выбуховыя прыстасаванні) і ў аўтобусе", — распавёў Лукашэнка.
"Нашае шчасце, што ніякай сістэмы тут няма. Мы пакуль не выявілі, што за ягонай спінай хтосьці стаіць", — адзначыў ён.
