Памераць артэрыяльны ціск у Гродне можна ў аптэках і банках
19-20 красавіка ў абласным цэнтры пройдзе медыка-асветніцкая акцыя па прафілактыцы інфаркта і інсульта.
У гэтыя дні ўстановы аховы здароўя арганізуюць пункты, дзе можна памераць ціск, вызначыць індэкс масы цела і атрымаць кансультацыю спецыяліста. Такія пункты будуць працаваць у паліклініках, аптэках, аддзяленнях банкаў і ЖКГ, паведамляе афіцыйны сайт гродзенскага гарвыканкама.
Паводле Міністэрства аховы здароўя, у 2011 годзе ў структуры агульнай смяротнасці ў Беларусі хваробы сардэчнасасудзістай сістэмы займаюць першае месца і складаюць 51,9%.
