Партыя БНФ заклікае ўрад не дапусціць рэйдарскага захопу прадпрыемстваў
У палітычнай заяве фронтаўцы адзначаюць, што расійская кампанія “Газпрам” атрымала "сродкі ўплыву на працэс і вынікі прыватызацыі беларускай прамысловасці".
Здарылася гэта праз "дэлегаванне расійскай газавай манаполіі... права вызначаць кошт паставак газу для беларускіх спажыўцоў". А кантроль над коштамі паставак энэрганосьбітаў мае стратэгічнае значэнне і "стварае рэальную небяспеку, што працэс і вынікі прыватызацыі будуць супярэчыць нацыянальным інтарэсам Беларусі", адзначае Партыя БНФ.
Партыя БНФ заклікае беларускі ўрад і Мінэканомікі перагледзець пагадненні аб фармаванні коштаў для спажыўцоў прыроднага газу і замацаваць дзяржаўнае рэгуляванне коштаў на энэрганосьбіты для прадпрыемстваў, якія падлягаюць прыватызацыі. Таксама фронтаўцы прапануюць "тэрмінова аднавіць працу па дыверсіфікацыі паставак энерганосьбітаў, у тым ліку неадкладна распачаць перамовы з краінамі Еўрасаюза дзеля стварэння магчымасці транспартыроўкі ў Беларусь звадкаванага газу".
Фота — bymedia.net
