Партыя рэгіёнаў: Лукашэнка зрабіў неразумную і не ўзважаную заяву
З такім каментаром выступіў намеснік старшыні украінскай Партыі рэгіёнаў па знешнепалітычных пытаннях Леанід Кажара.
"Лукашэнка зрабіў неразумную і не ўзважаную заяву. А гэта цяпер абсалютна не ў інтарэсах Лукашэнкі, бо Ўкраіна застаецца ці не адзінай краінай, якая выступае супраць палітычнай ізаляцыі Беларусі ў Еўропе", — падкрэсліў намеснік старшыні Партыі рэгіёнаў.
Нагадаем, сёння Лукашэнка заявіў, што ва ўкраінскіх уладаў "хапае вашывасці", а прэзідэнта Еўрапейскай камісіі Жазэ Мануэла Барозу абазваў "казлом".
У Міністэрстве замежных спраў Украіны назвалі гэтыя заявы "беспрэцэдэнтна некарэктнымі", перадае korrespondent.net.
