Пасажыры самалёта “Белавія” паляцелі ў Тбілісі без багажу
Рэчы 37 чалавек засталіся ў мінскім аэрапорце. Пасажыры нічога пра гэта не ведалі аж да самой пасадкі ў Грузіі.
У кампаніі “Белавія” парталу TUT.by патлумачылі, што на борт не трапіў багаж пасажыраў, якія праходзілі рэгістрацыю апошнімі. Неабходнасць затрымаць іх рэчы ў аэрапорце была звязаная з перагрузам. Прычым інфармацыю пра затрыманне багажу людзям не давялі адразу, каб тыя не ўзнялі бунт.
Рэчы паабяцалі даставіць у Тбілісі на наступны дзень, іншым рэйсам.
