Пасол Расіі ў Мінску лічыць, што Беларусь не гатовая для прыватызацыі
Спадар Сурыкаў ў інтэрв’ю агенцтву БелаПАН зазначыў, што рэальных дзеянняў беларускага ўрада па прыватызацыі буйных аб'ектаў дзяржуласнасці няма.
Пасол Расійскай Федэрацыі паведаміў, што ад пазіцыі беларускага ўрада мае нейкае дваякае ўражанне. “Як бы і хочацца, і нешта колецца", - адзначыў дыпламат.
Гаворачы аб нядаўняй заяве прэм'ер-міністра Беларусі Міхаіла Мясніковіча аб перамовах з расійскімі кампаніямі па прыватызацыі сямі беларускіх кампаній, Аляксандр Сурыкаў падкрэсліў, што , з сямі названых прадпрыемстваў незалежную ацэнку мае толькі "Белтрансгаз".
