Пенсіянер з Іванаўскага раёна забіў аднаго рабаўніка і параніў другога
Гэтак пенсіянер аказаў супраціў рабаўнікам, якія забраліся да яго ў хату.
Як паведамляе БелаПАН, уначы ў хату 60-гадовага жыхара вёскі Моладава забраліся двое невядомых у масках. Яны проста паднялі зашчапку, на якую былі зачыненыя дзверы.
Пенсіянер, які жыве адзін, прачнуўся ад шуму. Рабаўнікі зайшлі ў пакой, дзе спаў гаспадар. Там, пагражаючы яму нажом, яны патрабавалі выпіўку і грошы. Абараняючыся, пенсіянер ударыў аднаго рабаўніка кухонным нажом, і той памёр на месцы ад страты крыві. Другога рабаўніка мужчына параніў нажом.
Выявілася, што абодва рабаўнікі раней былі асуджаныя, цяпер непрацуючыя. Параненага завезлі ў лякарню, дзе яму зрабілі аперацыю.
