Пінскіх злодзеяў спрабуюць запалохаць відэакамерамі
З пачатку года ў горадзе было зафіксавана амаль 300 крымінальных злачынстваў, прычым 210 з іх — крадзяжы.
З гэтай нагоды ў гарадской пракуратуры адбылася каардынацыйная нарада з удзелам прадстаўнікоў праваахоўнікаў, мясцовых уладаў і прадпрыемстваў. Па словах пракурораў, у горадзе "цягнуць" усё, што "дрэнна ляжыць": дзяржаўную, грамадскую і прыватную маёмасць.
Каб напалохаць злодзеяў, праваахоўнікі прапануюць усталёўваць у дварах, на тэрыторыях прадпрыемстваў і ўстановаў камеры відэаназірання.
Фота — bymedia.net
