Пінскія мастакі зладзілі выставу памяці спачылага калегі
У Музеі Беларускага Палесся адкрылася выстава графікі і дызайну, якую зладзілі ў памяць Яўгена Шатохіна.
Аўтары выставы Валянцін Трусаў і Сяргей Харашаўцаў прадставілі больш за сотню графічных работ і ўзораў керамікі, на якіх адлюстравана сталіца Палесся.
Яўген Шатохін — сябра Беларускага саюза мастакоў і мастацкай суполкі “Пагоня”, грамадскі і палітычны дзеяч беларускага адраджэння. Ён раптоўна памёр сёлета 22 студзеня ў Пінску на 65 годзе жыцця.
