Польшча пратэстуе супраць рускіх класаў у польскай школе Гродна

Пра гэта паведамляе "Польскае радыё для замежжа" са спысылкай на Міністэрства замежных справаў Польшчы. Польскія дыпламаты адзначаюць, што яны сур’ёзна занепакоенае намерам стварыць два рускамоўныя класы ў школе №36 у Гродне з польскай мовай навучання.

У ноце нагадваецца, што беларускія ўлады пісьмова гарантавалі, што гэтая школа будзе польскамоўнай. МЗС падкрэслівае, што будаўніцтва школы поўнасцю фінансавалася польскім бокам.

Супраць увядзення рускай мовы ў польскую школу пратэстуюць сябры Саюзу палякаў у Беларусі і бацькоўскі камітэт дзяцей, якія навучаюцца ў школе №36 у Гродне. Паводле звестак МЗС, петыцыю падпісалі 260 бацькоў.