Пракуратура знайшла экстрэмізм на сайце фанатаў ФК "Гомель"
На фанацкім сайце гомельскіх футбалістаў гомельская пракуратура знайшла факты прапаганды гвалту і хуліганскіх дзеянняў.
На даменным імі таксама размешчаная інтэрнэт-крама. Сярод яе тавараў пракуроры знайшлі экстрэмісцкую атрыбутыку, паведамляе БЕЛТА. Цяпер праваахоўнікі шукаюць уладальнікаў і адміністратараў сайта.
Дарэчы, адміністрацыйнае пакаранне атрымаў ужо спецыяліст па працы з гомельскімі заўзятарамі. Ён распаўсюджваў прадукцыю з малюнкамі, якія прапагандуюць культ гвалту і жорсткасці. Яны былі размешчаныя на фоне гомельскага герба і эмблемы футбольнага клуба.
Пракуратура вынесла афіцыйнае папярэджанне дырэктару футбольнага клуба "Гомель", які не пракантраляваў свайго падначаленага.
