Праваабаронцы не далі выселіць з інтэрнату жанчыну з непаўналетнімі дзецьмі
Суд Ленінскага раёна Магілёва 6 траўня разглядаў пазоў будаўнічага трэста №12. Трэст хоча выселіць з інтэрната Ірыну Чакаўскую з двума непаўналетнімі дзецьмі.
Суддзя Трапыніна заслухала аргументацыю бакоў і вырашыла не высяляць жанчыну. Яна спаслалася на тэрміны, паводле якіх Чакаўскую ўжо немагчыма выселіць. Кіраўніцтва трэста, кажа праваабаронца Барыс Бухель, мусіла падаваць пазоў на высяленне жанчыны 5 гадоў таму. Менавіта тады скончыўся неабходны тэрмін (3 гады) з таго моманту, як муж Чакаўскай страціў правы на пражыванне ў інтэрнаце.
Дарэчы, пасля змены кіраўніцтва ў будаўнічым трэсце №12 з інтэрнатаў прадпрыемства ўжо выселеныя больш за 50 чалавек.
