Пружанцам налічваюць заробак на картку, але не ставяць банкаматы
Каб атрымаць грошы, жыхары вёскі Крыніцы ў Пружанскім раёне засылаюць “ганцоў” нават у абласны цэнтр.
Пра гэта піша газета “Раённыя будні”. Рэч у тым, што ў вёсцы няма ані банкамата, ані плацёжных тэрміналаў у крамах і на пошце. Між тым, у Крыніцах жыве каля 300 чалавек. І ўсе працуючыя, акрамя пенсіянераў, атрымліваюць заробак на банкаўскія карткі.
Каб атрымаць гатоўку, людзі шлюць “ганцоў” у Камянюкі, Пружаны і нават Брэст. І там каля банкаматаў часам можна заўважыць чалавека з дзясяткам банкаўскіх картак і спісам ПІН-кодаў, які здымае наяўныя грошы.
Фота — ilook.by
