Расійскія заўзятары затрыманыя на мяжы з Беларусю
Польскія памежнікі знялі з цягніка двух расіян, падазраваных у збіцці сцюардаў на стадыёне ва Уроцлаве.
Пасажыры не аказалі супраціву, спецсродкі да іх не прымяняліся, піша інфармагенцтва РІА "Новости". Падазроных пасажыраў праверыць пракуратура. Пасля будзе прынятае рашэнне пра іх далейшы лёс: хлопцаў ці перадададуць паліцыі, ці адправяць дадому.
Нагадаем, за час Еўра-2012 на вуліцах польскіх гарадоў былі затрыманыя каля 100 расійскіх заўзятараў. Большасць з іх трапілі ў пастарункі перад матчам Расія — Грэцыя. Некаторыя з затрыманых мелі з сабой накладныя вусы і нават пейсы, і падчас высвятлення асобы спрабавалі ўвесці паліцыю ў зман.
