Расіянам прапануюць выбраць прэзідэнта з пяці кандыдатаў
Сёння расійскі Цэнтравыбаркам зарэгістраваў кандыдатам бізнэсоўца Міхаіла Прохарава.
Раней кандыдатамі на пасаду прэзідэнта Расіі былі зарэгістраваныя чатыры чалавекі, вылучаныя парламенцкімі партыямі. Паводле расійскіх законаў, партыям не трэба было збіраць 2 млн подпісаў грамадзян. Кандыдатам ад "Адзінай Расіі" стаў прэм'ер-міністр Уладзімір Пуцін, ад "Справядлівай Расіі" — экс-спікер верхняй палаты парламента Сяргей Міронаў, ад КПРФ — лідар камуністаў Генадзь Зюганаў, ад ЛДПР — Уладзімір Жырыноўскі.
Прохараў стаў адзіным самавылучэнцам, якому ўдалося пераадолець этап рэгістрацыі. Большасць з тых, хто заяўляў пра свае прэзідэнцкія амбіцыі, не змаглі сабраць 2 млн подпісаў. Заснавальнік партыі "Яблоко" Рыгор Яўлінскі і губернатар Іркуцкай вобласці Дзмітрый Мезенцаў сышлі з дыстанцыі на этапе праверкі падпісных лістоў: колькасць браку ў іх была вышэй за дазволеныя законам 5%.
Афіцыйны спіс кандыдатаў у прэзідэнту Расіі ЦВК павінна абвясціць да 29 студзеня. Выбары пройдуць 4 сакавіка.
