Re1ikt прысвяцілі новы кліп усім, хто змагаецца (відэа)
Гурт Re1ikt прадставіў публіцы сваё новае відэа на песню "Рэкі Пад Ільдом".
Яно прысвечанае ўсім, хто змагаецца і, нягледзячы ні на што, пераадольвае цяжкасці.
Кліп здымаўся ў Гомелі,орадзе, дзе Re1ikt пачыналі свой шлях у музыцы і запісалі першы альбом. аўтар відэа -- гомельскі VJ Аляксей Мядзьведзеў.
Як паведамляе сайт гурта, у кліпе знялі гомельскія музыкі і іншыя дзеячы андэграўнду. Яны па чарзе выконваюць новую песню, як бы паказваючы, што выбар ёсць у кожнага. І кожны можа штосьці зрабіць у гэтым жыцці, галоўнае - пажадаць.
Трэк "Рэкі Пад Ільдом" стане загалоўным на будучым альбоме каманды.
І як распавядае музыка гурта Аляксандр Дземідзенка, "новы альбом будзе вельмі прыгожым і мастацкім. Пры стандартным для рок-музыкі наборы інструментаў гурт шмат эксперыментаваў, выкарыстоўваў розныя эфекты і атрымаў незвычайную музыку".
Паслухаць, якім атрымаўся новы дыск Re1ikt, можна будзе 30 кастрычніка ў межах канцэртнай прэзентацыі альбома "Рэкі Прабілі Лёд" у мінскім клубе Re:Рublic.
