Саакашвілі заявіў, што кіруючая партыя Грузіі пераходзіць у апазіцыю
Прэзідэнт Грузіі прызнаў перамогу апазіцыйнай кааліцыі "Грузінская мара" на парламенцкіх выбарах.
Міхаіл Саакашвілі выказаў гатовасць супрацоўнічаць з апазіцыяй. Разам з тым, як лідар Нацыянальнага руху ён заявіў, што гэтая партыя пераходзіць у апазіцыю.
Як перадае interfax.by, папярэднія падлікі галасавання на парламенцкіх выбарах паказваюць перавагу "Грузінскай мары". Гэта азначае, што апазіцыя будзе фармаваць новы ўрад.
Па словах Саакашвілі, погляды гэтай кааліцыі былі для яго чужыя і такімі застаюцца. Аднак ён прызнае прынцып дэмакратыі, згодна з якім грузінскі народ большасцю прымае рашэнне.
Фота — news.404.ru
