Сёлета на тэставанні "адсеялі" 18 тысяч чалавек, якія адгадвалі адказы
Міністэрства адукацыі лічыць, што рашэнне ўвесці парог тэставага бала было слушным.
Нагадаем, каб выключыць магчымасць удзелу ў конкурсе абітурыентаў, якія маюць нізкі ўзровень падрыхтоўкі, сёлета ўстанавілі ніжняе значэнне тэставага бала, пачынаючы з якога адзнака пры паступленні ў ВНУ прызнаецца здавальняючай — 7 балаў.
Мінадукацыі адзначае, што таксама былі адсеяныя "выпадковыя" абітурыенты, якія спрабавалі адгадваць адказы на заданні цэнтралізаванага тэставання. У папярэднія гады яны маглі паступіць, але адлічваліся ўжо пасля першай сесіі з-за нізкага ўзроўню агульнаадукацыйнай падрыхтоўкі.
Як паведамляе БЕЛТА, сёлета на цэнтралізаваным тэставанні не змаглі набраць 7 балаў больш за 18 тысяч абітурыентаў.
Гл. таксама па тэме: Каля 11 000 абітурыентаў не набралі 7 балаў на ЦТ па матэматыцы
Фота — matura.fulara.com
