Сёння ў Мінску адкрываецца сезон атракцыёнаў
У новым сезоне парк атракцыёнаў папоўніцца дзвюма навінкамі. У парку Горкага адкрыецца атракцыён "Каліпса", а ў парку Чалюскінцаў - "Піражок".
Галоўныя паркі Мінска - Цэнтральны дзіцячы парк імя Горкага і Парк культуры і адпачынку імя Чалюскінцаў - адкрываюць сёння сезон атракцыёнаў.
З прыходам вясны спецыялісты агледзелі ўсе металаканструкцыі атракцыёнаў на трываласць, правялі грузавыя выпрабаванні і электрафізічныя вымярэнні, паведамляе БелТА.
