Сярэдні памер хабару ў Беларусі прыкладна роўны сярэдняму заробку
У Беларусі зафіксаваны выпадак атрымання хабару ў памеры 500 тысяч долараў, аднак сярэдні памер хабараў па краіне складае ад 200 да 300 долараў.
Як паведаміў прадстаўнік Генпракуратуры Ігар Грэйб, хабары сёння даюцца прадстаўнікам розных прафесій.
Грэйб: “Прадстаўнікі ўстаноў адукацыі ў асноўным атрымліваюць хабар за неналежнае правядзенне праверак ведаў пры прыёме іспытаў і залікаў, службовыя асобы праваахоўных органаў — за спрыяльнае вырашэнне пытанняў аб непрыцягненні да крымінальнай адказнасці, за датэрміновае вяртанне пасведчання кіроўцы. У сферы аховы здароўя распаўсюджаныя хабары за выдачу лісткоў часовай непрацаздольнасці і выдачу медычных дакументаў”.
