Сёння будуць судзіць затрыманых каля будынка КДБ Валодзіна і Кудрова
Затрыманыя 19 студзеня пад час акцыі салідарнасці каля будынка КДБ ў Мінску Мікіта Валодзін і Кірыл Кудроў правялі ноч на Акрэсціна.
Сёння ў судзе Цэнтральнага раёна Мінска адбудзецца разгляд адміністрацыйных спраў актывістаў.
Нагадаем, што агулам падчас акцыі беларускай апазіцыі ў будынка КДБ былі затрыманы 22 чалавекі. 20 затрыманых на мітынгу ў Мінску адпушчаны без абвінавачванняў. Па словах міліцыянтаў, з імі "праведзена прафілактычная гутарка", паведамляе праваабарончы цэнтр "Вясна"
