Сёння гуляюць мінскае "Дынама" і "Ак Барс", матч пакажуць у запісе
Матч чэмпіянату Кантынентальнай хакейнай лігі пачнецца а 19-й гадзіне на "Мінск-Арэне".
На тэлеканале "Беларусь-2" на гэты час запланаваная жывая трансляцыя з Чэхіі жаночай эстафеты на чэмпіянаце свету па біятлоне. Хакей пакажуць у запісе, пачатак трансляцыі ў 20.40.
Камандзе Аляксандра Андрыеўскага, якая замагаецца за выхад у плэй-оф, засталося правесці 2 матчы. Турнірнае становішча камандаў, якія прэтэндуюць на апошнія пуцёўкі ў плэй-оф ад Заходняй канферэнцыі, наступнае:
7 месца. "Леў" — 72 ачкі, 8. "Дынама" (Мінск) — 71, 9. "Данбас" — 69, 10. "Атлант" — 67 ачкоў.
Акрамя сённяшняга паядынку з казанскім "Ак Барсам" мінчукоў чакае хатняя гульня 17 лютага з клубам з Уфы "Салават Юлаеў".
Фота — hcdinamo.by
