Сёння стартуе нацыянальны адбор на міжнародны конкурс песні "Еўрабачанне"
У ім возьмуць удзел 83 выканаўцы і калектывы, як навічкі, так і зоркі.
Праслухоўванне ўдзельнікаў прафесійным журы адбудзецца 30 і 31 кастрычніка, пасля чаго стануць вядомыя імёны выканаўцаў, якія прайшлі ў наступны этап. Фінал нацыянальнага адбору, паводле вынікаў якога будзе вызначаны прадстаўнік Беларусі на конкурсе "Еўрабачанне-2013", пройдзе 7 снежня, паведамляе БелаПАН.
БЕЛТА адзначае, што ў ліку жадаючых прадставіць нашу краіну на міжнародным конкурсе песні — Алена Ланская, Аляксандра & Канстанцін, Саша Нэма, Юзары, N.R.M. з Пітам Паўлавым, The Champions ды іншыя.
Нагадаем, арганізатарам адбору з'яўляецца Нацыянальная дзяржаўная тэлерадыёкампанія Беларусі. Адбор праводзіцца ў адпаведнасці з правіламі конкурсу, якія ўстаноўлены Еўрапейскім вяшчальным саюзам.
Міжнародны конкурс песні "Еўрабачанне-2013" пройдзе ў траўні наступнага года ў Швецыі.
