"Тэлефонны мінёр" замініраваў аўтастанцыю з Светлагорску
З яе давялося эвакуяваць 100 чалавек.
Як паведамляе БелаПАН, інфармацыю пра мініраванне міліцыянты атрымалі 19 верасня пасля 14 гадзін. Амаль тры гадзіны вялася праверка аўтастанцыі, але выбуховай прылады не знайшлі.
З месца здарэння міліцыянты забралі дзве тэлефонныя трубкі з кабелем ад двух таксафонаў, панэлі з кнопкамі, тэлефонную картку, запіс відэаназірання. Яны падазраюць, што ілжывае паведамленне зрабіў непрацуючы 23-гадовы жыхар вёскі Мармонавічы Светлагорскага раёна.
Па факце ілжывага паведамлення пачалі крымінальную справу.
