У Белавежы адбудзецца велапрабег у памяць Язэпа Булак-Балаховіча
23 чэрвеня прабег традыцыйна правядзе арганізацыя "Беларуская Нацыянальная Памяць".
Адзначым, што Язэп Булак-Балаховіч — родны брат генерала Станіслава Булак-Балаховіча, вядомага ўдзельніка антыбальшавіцкай барацьбы ў 1918-1920 гадах. Пад яго кіраўніцтвам Язэп ваяваў у вайсковых фармаваннях.
Велапрабег прымеркаваны да гадавіны смерці Язэп Булак-Балаховіча. Ён быў забіты 11 чэрвеня 1923 года ў Белавежскай пушчы агентамі бальшавіцкай выведкі.
