У Брэсце "Падманутыя дольшчыкі" звярнуліся з заявай у гарвыканкам
У заяве выказваюцца прэтэнзіі да мясцовага гарсавета і гарвыканкама, якія "недастаткова кантралявалі будаўнічую фірму "Облик".
У выніку "падманутыя больш за 700 чалавек і растрачана каля 60 мільярдаў рублёў".
Паколькі "Облик" заявіў банкруцтва, брэсцкі гарвыканкам прапануе падманутым людзям арганізавацца ў кааператывы забудовы і замовіць завяршэнне будаўніцтва.
Падпісанты патрабуюць закончыць будоўлю за кошт дзяржавы і тых чыноўнікаў ды банкаў, хто стаціў кантроль над арганізацыяй.
Нагадаем, ў мясцовай газеце "Вечерний Брест" кіраўнік "Облика" Мікалай Клімук спрабаваў растлумачыць сітуацыю. Ён таксама наракаў, што "не ўсюды склалася супраца з мясцовымі ўладамі".
