У Ганцавічах на выбары працягваюць запрашаць нябожчыкаў
Паперка з запрашэннем прагаласаваць прыйшла на мужа і жонку, якія памёрлі тры гады таму. Прычым участковая камісія робіць гэта трэція выбары запар.
Як піша газета “Ганцавіцкі час”, родныя спачатку не звярталі на гэта ўвагі і спадзяваліся, што памылка будзе выпраўлена. Аднак цяпер сваякі заяўляюць: такія запрашэнні траўмуюць іх псіхіку. Яны падазраюць, што праз падобныя памылкі ажыццяўляюцца маніпуляцыі на выбарах.
