У Гродне кіроўца аўтобуса з пасажырамі памёр за рулём (фота)
Некіраваны аўтобус пераехаў сустрэчную паласу і ўрэзаўся ў агароджу прыватнага дома.
Як паведамляе Гродзенскі блог S13, аўтобус паспеў ад'ехаць ад прыпынку на скрыжаванні вуліц Савецкіх памежнікаў — Гарнавых, калі кіроўцу стала дрэнна. Сведкі кажуць, што кіроўца спрабаваў яшчэ штосьці зрабіць, але марна. Аўтобус выехаў на паласу сустрэчнага руху, заскочыў на бардзюрны камень, урэзаўся ў плот прыватнага дома і спыніўся ў яго двары.
Сярод пасажыраў пацярпелых няма.
Фота: Блог Гродна S13
