У Казахстане 11 памежнікаў уцяклі з заставы
Як паведамляе памежная служба краіны, салдаты самавольна пакінулі пост "Тэрсайрык" Зайсанскага памежнага атрада.
Здарэнне адбылося зранку 18 чэрвеня. Цяпер зніклых памежнікаў шукаюць, перадае ВВС.
Нагадаем, што на пачатку чэрвеня на памежным посце "Арканкерген" на казахстанска-кітайскай мяжы знайшлі парэшткі 14 памежнікаў. Яшчэ аднаго памежніка абвясцілі зніклым.
Праз некалькі дзён Генпракуратура Казахстана паведаміла, што адзіны жывы з 15 памежнікаў знойдзены і прызнаўся ў іх забойстве. Маці памежніка гаворыць, што на спатканні ён абверг гэтае прызнанне.
Фота — vmdaily.ru
