У Малдове суддзяў, падазраваных у карупцыі, будуць пазбаўляць імунітэту
Крымінальныя справы супраць іх будуць пачынаць без згоды Вышэйшай рады магістратуры.
Як паведамляе РБК, такія змены прадугледжаныя папраўкамі ў дзейснае заканадаўства, якія ўхваліў кабінет міністраў краіны.
Пакуль што суддзі ў Малдове маюць імунітэт, які вызваляе іх ад крымінальнай адказнасці за злачынства любой катэгорыі. Крымінальную справу супраць суддзяў можа пачаць генеральны пракурор толькі з папярэдняй згоды Вышэйшай рады магістратуры.
Змены ў заканадаўства мусяць узмацніць барацьбу з карупцыяй.
