У мінскіх Шабанах два п'яныя пагражалі расстраляць работнікаў крамы
Інцыдэнт адбыўся ўвечары 2 лютага.
29-гадовы мінчук і яго 26-гадовы сябар былі нападпітку, калі ўварваліся ў краму. Як інфармуе БЕЛТА, з хуліганскіх матываў яны пагражалі работнікам крамы фізічнай расправай. Пры гэтым у мужчын былі аўтамат і пісталет вонкава падобныя да баявых.
На сігнал трывожнай сігналізацыі прыбыў экіпаж аддзела аховы, які і затрымаў "стралкоў". Падчас далейшагах разгляду стала вядома, што зброя прызначаная для гульні ў страйкбол.
На 29-гадовага мінчука пачалі крымінальную справу за хуліганства.
Фота — mediaportal.kiev.ua
