У сталічных школах адменяць заняткі толькі пры -25 удзень
Пра гэта заявіла супрацоўніца камітэта па адукацыі Мінгарвыканкама Таццяна Харужая.
Паводле яе словаў, пакуль такая магчымасць не абмяркоўваецца, але калі пахаладанне працягнецца, адміністрацыі раёнаў "у інтарэсах дзяцей" могуць прыняць рашэнні пра часовае прыпыненне заняткаў. Чыноўніца адзначыла, што некаторыя бацькі сталічных школьнікаў самі не адпраўляюць дзяцей у школы.
Як паведамляе БЕЛТА, па краіне прыпыненыя заняткі ў 900 школах.
