У Мінску выявілі больш за 4 тысячы пакінутых аўтамабіляў
Камунальныя службы знайшлі іх на вуліцах і ў дварах. Для гэтай працы спатрэбіліся паўтары гады.
Найбольш пакінутых машын (амаль тысяча) — у Фрунзенскім раёне.
Як паведамляе агенцтва "Мінск-навіны", аўтамабілі без колаў, дзвярэй, з разбітым шклом, а таксама з пратэрмінаваным больш за паўгода тэхаглядам падлягаюць абавязковай эвакуацыі. Гаспадар атрымлівае адпаведнае паведамленне. Калі за 30 дзён ён не адрамантуе аўтамабіль, яго адправяць на тры месяцы на стаянку, пасля будзе суд і ўтылізацыя. А затраты давядзецца аплаціць гаспадару машыны.
Праўда, да суда ў сталіцы падобныя справы яшчэ не даходзілі. А больш за 3 тысячы мінчукоў, атрымаўшы паведамленні, заняліся рамонтам сваіх аўто.
Фота — bymedia.net
