У пажары на агракамбінаце "Дзяржынскі" загінулі 40 тысяч куранятаў (фота)
Пажар адбыўся ўвечары 19 лістапада ў вёсцы Багрыцаўшчына Дзяржынскага раёна.
Пра гэта Еўрарадыё распавёў прэс-сакратар Міністэрства па надзвычайных сітуацыях Віталь Навіцкі.
Навіцкі: "У момант загарання на месцы знаходзіліся дзяжурны электрык і дзве птушніцы. Пачуўшы. як спрацавала сігналізацыя, работнікі птушкафабрыкі кінуліся да будынка, але зайсці ўсярэдзіну не змаглі з-за моцнага задымлення і языкоў полымя. Электрык пры спробе трапіць усярэдзіну атрымаў вострае атручанне ўгарным газам. Ён шпіталізаваны, яго жыццю нічога не пагражае. Вартаўнік у гэты час выклікаў падраздзяленні МНС. Агонь быў лівідаваны за 40 хвілінаў. У выніку пажару быў знішчаны ўцяпляльнік на сценах бройлернага цэха. Загінулі суткавыя кураняты — каля 40 тысяч".
Прычына загарання ў наш час высвятляецца.
Фота — 112.by
