У Пружанах у "калекцыянера" забралі кулямёты і пісталеты (фота)
Гэты арсенал канфіскавалі супрацоўнікі КДБ у доме 50-гадовага мужчыны.
Як высветлілася, раскопкі ў месцах вядзення баёў ён праводзіў працяглы час. Знойдзеную зброю і боепрыпасы захоўваў па месцы жыхарства, паведамляе сайт tomin.by.
На момант візіту супрацоўнікаў КДБ у мужчыны знаходзіліся 12 відаў разнастайнай зброі. Сярод іх былі танкавы кулямёт Дзегцярова, кулямёт MG34, абрэз вінтоўкі Мосіна, некалькі пісталетаў і рэвальвераў. Цяпер зброяй займаюцца эксперты.
Паводле БелаПАН, мужчына здаў свой арсенал добраахвотна.
Фота УКДБ па Брэсцкай вобласці з сайта tomin.by
