У Салігорскім раёне ўзарваўся кацёл, загінуў мужчына (фота)
Здарэнне адбылося ўвечары 21 снежня ў вёсцы Скоўшын.
Як паведамляюць выратавальнікі, у прыватным жылым доме ўзарваўся самаробны металічны кацёл вадзянога ацяплення, які працаваў на цвёрдым паліве. Выбухам была разбураная сцяна будынка. Гаспадар дома памёр па дарозе ў лякарню, яго жонка і сусед засталіся жывыя.
Мяркуецца, што прычынай выбуху катла стала парушэнне правілаў эксплуатацыі.
Фота — 112.by
